Bisita Lantzeko meatzegunera. Lau urtez ikertu ondoren, erromatarren garaian kobrea erauzteko meatzegunea erreferente bihurtu da Mendebaldeko Pirinioetako antzinako meatzaritzan. Lurpeko meatzaritzako mundu zabal baten ondoan aire zabaleko ustiategi handi bat dago, ibilbidean ikusiko duguna.

Bisitak 2 eta 3 ordu artean iraungo du, eguraldiaren arabera. Beharrezkoa da sasoian egotea eta mendian ibiltzera ohituta egotea. Ezinbestekoa da mendiko oinetakoak eta linterna eramatea.