GeoCaching edo GPS Gymkhana GPSdun gailu mugikor baten laguntzarekin «altxorrak» aurkitzeko jarduera bat da. Groundspeak-en Geocaching aplikazioa Android-ekin zein iOSekin bateragarria da. Nahikoa da doako bertsioa instalatzea, zailtasun-maila baxua duten oinarrizko geocacheetarako sarbidea ematen baitie erabiltzaileei.

Izen-emateak irailaren 26an, ostiralarekin, egingo dira, 19:00etan udaletxe «zaharra»-ren atean, Foruen plazan. Bertan, jarraibideak eta aurkitu beharreko kokapen-kopurua emango ditugu. Egiaztatzeak eta sarien banaketa urriaren 4an, larunbatarekin, egingo dira, 12:00etan, Ablistasko gazteluaren beheko aretoetan.

Parte-hartzaileek aste bateko epea dute Ablitasko toki, herritar eta eraikinei buruzko informazioa eta bitxikeriak ematen dituzten geocacheak (edo altxorrak) aurkitzeko.
12 urtetik gorakoentzat gomendatua dago.

Ablitasko herrigune historikoan barnako bisita. Bertan, istorio bitxiak kontatuko ditugu, eta herriaren historia eta Erdi Aroan eta Aro Modernoan herriak izandako bilakaera ezagutuko ditugu; kalexken, txokoen eta pasabideen zergatia; eraikin garrantzitsuenetatik igaroko gara, eta Erdi Aroan elkarrekin bizi izan ziren 3 kulturak ezagutuko ditugu (musulmanak, juduak eta kristauak).
Erdi Aroko eta Errenazimentuko musikarekin girotuko dugu ibilaldia.
Oinetako erosoak eramatea gomendatzen dugu.

«Europa zaharreko musika»
Hesperideak mendebaldean zegoen urrutiko lorategi zoragarri bat zaintzen zuten hiru ninfa ziren, eta Antzinako Greziatik erreferentzia izan dira arimak baretzeko musikaren erabilerari dagokionean. Hesiodok “ahots argidunak” epitetoz izendatu zituen. Hiru ninfa horiek zaintzen zuten lorategi-baratzean, askotariko fruta-arbolak hazten ziren. Preziatuenetako batzuk sagarrondoak zeuden, eta haien urrezko fruituek hilezkortasuna ematen zioten probatzen zituenari. “Ilunabarreko alabak” edo “mendebaldeko ninfak” ere esaten zaie. Hiru emakume, egunak gauarekin bat egiten zuen orduan musika jo eta abesten zutenak.

Hori da Zuberoa Aznárezek, Gloria Alezak eta Edurne Aizpúnek sortu berri duten “Hespérides” taldearen inspirazio-iturria. Hiru emakume horiek musikan ibilbide luzea egindakoak dira, eta beren eklektizismoa dute ezaugarri, bai gustuan, bai musika-praktikan. Horrela bada, hirurek dute hainbat musika-tresna jotzeko gaitasuna. Horrek, ahotsaren erabilerarekin batera, taldea oso erakargarri egiten du estilo eta kolore musikalen aniztasunari dagokionez.

Lorategi zabal eta anitza bailitzan, errepertorioak hainbat mende zeharkatzen ditu Europa zaharreko musikan. Erlijiosoa eta profanoa, abestia eta dantza, galaikoportugesez, gaelikoz edo euskaraz, proposamenak historiaren beloa kentzeko gonbita egiten du. Tradizioaren eta interpretazio-teoriaren errespetutik eta ezagutzatik abiatuta, “Hespérides” taldeak giro magiko bat sortu nahi du, egungo musika-elementuak Antzinaroko soinuak gogora ekartzen dituzten musika-tresnen erreprodukzioekin konbinatuz.

Antzinaroko (historiaurrea, zeltiberiera eta erromatarrak) ondarean barnako ibilaldia Ablitasen. Bisitatuko ditugun txokoei buruzko azalpenak emango ditugu.

GARRANTZITSUA: Norberak bere hamaiketakoa eta edaria eraman beharko ditu.

Gutxi gorabeherako ordutegiak:

• 9:00 Foruen plaza
• 9:45 «Cabezo de la Mesa»-ko Oppidum zeltiberiarra
• 10:30 Tarraco-Asturica Augusta Erromatar Galtzadaren Interpretazio Zentroa
• 11:15 Hamaiketakoa «El Villar» erromatar villan
• 12:00 Ablitaserantz itzultzea
• 13:00 Kultura-etxea: Erromatar mosaikoa