Aoiz / Agoitz

Gendulain Erdi Aroko herri hustua Agoitz inguruko ondaregune esanguratsuenetako bat da. Abuztuko lehen astean garatutako kanpaina arkeologikoaren helburua antzinako biztanlegune horri buruzko ezagutza zabaltzea izan da, nekropoliaren eta lurpean kontserbatutako egituren azterketan sakonduz.

Jarduerak ikerketa arkeologikoaren bidez desagertutako leku baten memoria nola berreskuratzen den jakiteko aukera ematen du, bai eta kontserbatutako aztarnak lurraldean bizi izan ziren komunitateei buruzko ezagutza-iturri bihurtzen direla ere. Indusketa-kanpainaren emaitzak aurkeztuz, gogoeta egingo da ondare arkeologikoak ondare partekatu gisa duen balioaz, memoria kolektiboa eraikitzeko duen eginkizunaz eta ondare hori kontserbatzeak eta hedatzeak egungo eta etorkizuneko belaunaldientzat duen garrantziaz.

Jarduera bi parte-hartze osagarritan egituratuko da. Lehenik eta behin, indusketaren ardura duen Aranzadi Zientzia Elkarteko lantaldeak esku-hartzean ateratako emaitza nagusiak aurkeztuko ditu, arkeologia-lanak ondare hori interpretatzen eta zaintzen laguntzen duela nabarmenduz. Ondoren, Amaia Legaz arkeologoak (HADÈS Bureau d ‘investigations archéologiques) Nafarroa Behereko Erdi Aroko herri hustuen fenomenoa, bilakaera historikoa eta irudikatzen duten ondare-balioa testuinguruan kokatuko ditu.

Saioa amaitzeko, jendeari irekitako solasaldi bat izango da, bertaratutakoen eta espezialisten artean galderak eta hausnarketak partekatzeko gune bat eskainiko duena, herritarren parte-hartzea bultzatuz eta ondarearen ikerketaren eta gizartearen arteko lotura indartuz.