Ruako San Pedro eliza, 1931. urtean KIO izendatu zutena, Donejakue bideko monumentu garrantzitsuenetako bat da. Nafarroako Gobernuak zaharberritu du berriki, eta Errege-Erreginen jauregiaren aurrean dago, gaur egun Gustavo de Maeztu museoa dena.

Bisitaldian monumentuari eta haren inguruneari erreparatuko zaie bereziki, eta bisitariari Lizarrako Donejakue Bidearen inguruko bilakaera historikoa, udaletxe zaharra eta inguruko beste eraikin batzuk, Errege-Erreginen jauregia eta San Martin eta San Nikolas plazak ulertzen lagunduko zaio. Behin tenplura iritsita, haren eraikuntzaren bilakaera ulertu eta klaustro erromaniko zoragarria ezagutu ahal izango dira.

Lizarrako eliza primatua gure hirian Interes Kulturaleko monumentu izendatu direnetako bat da. Milaka bisitari hurbiltzen dira hiria menderatzen duen haitz baten gainean dagoen eta sartzeko harmaila ikaragarri bat duen eliza berezi honetara.

Gure gidek berriki zaharberritutako tenpluak izan duen bilakaera historikoa eta bertan dauden ondasun nagusiak azalduko dizkizuete, bereziki klaustro erromaniko zoragarria.

Museoa eta haren bilduma ezagutzeko lagundutako bisitak, euskaraz eta gaztelaniaz.

Donejakue Bideak, Gizateriaren Ondare eta kultura-sareen sareak, bere ibilbidean museo-erakunde ugari izateaz gain, Nafarroako Foru Komunitatea lurralde emankor eta askotarikoa da. “Sareen sarea: Donejakue Bidea eta museoak” jardunaldiak Donejakue Bideak berak Nafarroan duen kultur panorama aberatsa eta bertako museoetan dagoen ondare material eta immaterial baliotsua jorratzen ditu adituen eskutik. Bi konferentzia hartzen ditu barne:

• 18:30ean: “El Camino de Santiago, Patrimonio de la Humanidad: la cultura en su máxima expresión”, Román Felones Morrás Hezkuntza Zientzietan doktore eta Lizarrako Done Jakue Bidearen Lagunen Elkarteko lehendakariordeak emango duena.
• 19:15ean: “Arte, historia y cultura en los museos del Camino”, Nafarroako Gobernuaren Museoen Ataleko Pilar del Valle de Lersundiren eskutik.