Ainaria – golondrina – hirondelles abarketarien eguna
Ainarien agurra oroitzeko birsortze historikoa. Ainariak 1860 eta 1935 urteen artean Mauleko eta inguruko herrietako abarketa-lantegietan lan egitera mendilerroaren bestaldera joaten ziren Pirinioetako hegoaldeko haranetako neskak ziren. Urriaren hasieran abiatzen ziren gure ibarretatik, oinez, eta maiatzaren amaieran edo ekainaren hasieran itzultzen ziren. Ainariak esaten zitzaien, haien joan-etorriak enaren migrazio-mugimenduekin batera gertatzen zirelako.
Errepresentazio historikoan arrosarioaren azken misterioa eta letaniak birsortuko dira San Zipriano elizaren barruan. Jarraian, apaiza egun horretan abiatu eta zenbait hilabete kanpoan emango dituzten neskei zuzenduko zaie pulpitutik eta aholku espiritualak emango dizkie.
Ekitaldi erlijiosoa amaituta, publikoa plazara joango da. Bertan, agur festa bat egingo da, eta neska erronkariarrek Izabako ttun-ttuna dantzatuko dute eta horietako batek herriko bandera dantzatuko du guztien omenez.
Azkenik, ibilbide alai bat egingo da zenbait etxetan zehar, neskek familiei agur esan ahal izateko. Herritik irtetean, herritarrek zapiak astinduz agur esango diete.
Tokia: San Zipriano eliza – Isaba/Izabako herriko plaza
DATA ETA ORDUTEGIA
- Urriak 1, igandea – 12:30an
ANTOLATZAILEA
Asociación Cultural Kurruskla / Kurruskla kultur Elkartea
LAGUNTZAILEA
Ayuntamiento de Isaba / Izabako Aiza Bulgua
